ငြိမ်းချမ်းရေးလုပ်ငန်းစဉ်များတွင် ယုံကြည်မှုတည်ဆောက်ခြင်းက ကြီးမားသည့် စိန်ခေါ်မှုတစ်ရပ် ဖြစ်နေဟုဆို

ငြိမ်းချမ်းရေးလုပ်ငန်းစဉ်များတွင် ယုံကြည်မှုတည်ဆောက်ခြင်းက ကြီးမား သည့် စိန်ခေါ်မှုတစ်ရပ်ဖြစ်နေကြောင်း ငြိမ်းချမ်းရေးလုပ်ငန်းစဉ်များ လုပ်ဆောင် နေကြသည့် အဖွဲ့အစည်းများထံမှ သိရှိရ သည်။

ရန်ကုန်မြို့ရှိ Green Hill ဟိုတယ် ၌ ဇန်န၀ါရီ ၇ ရက်တွင်ကျင်းပသည့် မြန်မာနိုင်ငံ၏ ငြိမ်းချမ်းရေးဖြစ်စဉ် မည် သို့အောင်မြင်မှုရရှိနိုင်ရေး ငြိမ်းချမ်းရေး ဖိုရမ်ဆွေးနွေးကြရာ ယင်းကဲ့သို့ ထည့် သွင်း ဆွေးနွေးခဲ့ကြခြင်းဖြစ်သည်။

““ငြိမ်းချမ်းရေးလုပ်ငန်းစဉ်တွေမှာ ယုံကြည်မှုတည်ဆောက်ခြင်းက အဓိက ကြီးမားတဲ့စိန်ခေါ်မှုတစ်ရပ်ဖြစ်နေတယ်။ အဲဒါကြောင့် ယုံကြည်မှုတည်ဆောက်နိုင် အောင် လုပ်ဆောင်နေကြပါတယ်””ဟု ငြိမ်းချမ်းရေး ကော်မရှင်အဖွဲ့ဝင် ဦးလှ မောင်ရွှေက ပြောသည်။

တိုင်းရင်းသားလက်နက်ကိုင်များနှင့် တပ်မတော်တို့ တိုက်ပွဲများဖြစ်ပွားနေ သည်မှာ နှစ်ပေါင်းများစွာကြာမြင့်နေပြီ ဖြစ်ခြင်းကြောင့် တစ်ဖွဲ့နှင့်တစ်ဖွဲ့ ယုံကြည် မှုများ ပျက်စီးနေရကြောင်း ငြိမ်းချမ်းရေး လုပ်ငန်းစဉ်များ လုပ်ဆောင်နေကြသည့် အဖွဲ့အစည်းတို့က ဆိုသည်။

““တိုက်ပွဲတွေနှစ်ပေါင်းများစွာတိုက် လာကြတာကြောင့် တစ်ဖွဲ့နဲ့ တစ်ဖွဲ့ မုန်းတီးမှု၊ သံသယရှိမှု၊ မယုံကြည်မှုတွေ ရှိနေကြတာဖြစ်ပါတယ်။ ငြိမ်းချမ်းရေး ဆွေးနွေးပွဲတွေလုပ်ရင်းရင်းနဲ့ တဖြည်း ဖြည်း ယုံကြည်မှုတွေ ရရှိလာမှာပါ။ တစ် ဖက်နဲ့တစ်ဖက် ယုံကြည်မှုရှိဖို့ထက် ကိုယ့် ကိုယ်ကိုယ် ယုံကြည်မှုရှိဖို့ ပိုအရေးကြီး ပါတယ်။ ကိုယ်က တကယ်ကို ငြိမ်းချမ်း ရေးလိုချင်ရဲ့လားဆိုတာ ပိုပြီးအရေးကြီး ပါတယ်””ဟု KNU မှအထွေထွေအတွင်း ရေးမှူးပဒိုစောကွယ်ထူးဝင်းကပြောသည်။

တိုင်းရင်းသားလက်နက်ကိုင်များ သည် စစ်မှန်သည့် ဒီမိုကရေစီရရှိရေး၊ တန်းတူ ဖွံ့ဖြိုးတိုးတက်ရေးစသည်တို့ ကြောင့် လက်နက်ကိုင်တိုက်ပွဲဝင်နေကြ ကြောင်း တိုင်းရင်းသားလက်နက်ကိုင် အဖွဲ့အစည်းများထံမှ သိရသည်။

 

မင်းအောင်မြင်(မြစ်မခ)

Date: 
Tuesday, January 10, 2017