ပြည်တက္ကသိုလ်ပါမောက္ခချုပ်အသစ်နှင့် တွဲဖက်အလုပ်လုပ်ကိုင်ရသည်မှာ အဆင်ပြေဟု ပြည်တက္ကသိုလ်ကျောင်းသားသမဂ္ဂပြောဆို

ပြည်မြို့ရှိပြည်တက်္ကသိုလ်ပါမောက္ခ ချုပ်တာဝန်ဖြင့် အသစ်ပြောင်းရွှေ့ချထား ခံရသည့်ဒေါက်တာအောင်အောင်မင်း နှင့် တွဲဖက်အလုပ်လုပ်ကိုင်ရသည်မှာ အဆင်ပြေကြောင်းစက်တင်ဘာ ၁ ရက်  ရန်ကုန်မြို့ရှိ MJN   ရုံးခန်း၌ ပြည် တက်္ကသိုလ်ကျောင်းသားသမဂ္ဂကပြုလုပ် သည့်စာနယ်ဇင်းရှင်းလင်းပွဲပြုလုပ်ပြော ဆိုချက်အရ သိရသည်။

ပြည်တက္ကသိုလ်ကျောင်းသားသမဂ္ဂ အနေဖြင့် ပါမောက္ခချုပ်ဒေါက်တာ အောင်အောင်မင်းကို ပြည်တက်္ကသိုလ်၌ ခန့်ထားပေးရန်ဆန္ဒရှိပြီးဒေါက်တာ အောင်အောင်မင်းနှင့် ၎င်းတို့ပူးပေါင်း ဆောင်ရွက်ပါက ကျောင်းဖွံ့ဖြိုးရေးလုပ် ငန်းများပိုမိုဆောင်ရွက်နိုင်မည်ဖြစ် ကြောင်း သမဂ်္ဂမှအကြံပေးအဖွဲ့ဝင် ကိုမြတ်မင်းထက်ကပြောသည်။

ယခင်ပြည်တက္ကသိုလ်ပါမောက်္ခချုပ် ဒေါက်တာခင်သီတာနုတ်ထွက်ပေးရန် သမဂ္ဂကဆန္ဒထုတ်ဖော်အပြီး သုံးရက် ကြာတွင် ကျောင်းစီမံခန့်ခွဲရေးနှင့် သင်ကြားရေးကိစ်္စများကို အဆင်ပြေ ချောမွေ့စွာဆောင်ရွက်နိုင်ရန်အဆင့်မြင့် ပညာရေးဦးစီးဌာနမှ ဒုတိယညွှန်ကြား ရေးမှူးချုပ်ဒေါက်တာအောင်အောင်မင်း အားဒုတိယပါမောက္ခချုပ် (ပါမောက္ခချုပ် တာဝန်)ဖြင့် ပညာရေးဝန်ကြီးဌာနက အမိန့်ကြေညာစာဖြင့် တွဲဖက်တာဝန်ချ ထားခဲ့ခြင်းဖြစ်သည်။

“ကျွန်တော်တို့သမဂ်္ဂကညှိနှိုင်းရေး လမ်းကြောင်းပေါ်ကဆက်သွားမယ်။ အခု အသစ်ရောက်လာတဲ့ ပါမောက္ခ ချုပ် စကားပြောလည်း ကောင်းတယ်။ဆရာ့ကိုယုံကြည်တယ်။ ဆရာနဲ့အတူ ကျွန်တော်တို့သမဂ္ဂကပွင့်လင်းမြင်သာ စွာအလုပ်လုပ်ပေးသွားရင်ကျောင်းရဲ့ အကျိုးပိုမိုဖြစ်ထွန်းစေမယ်လို့ယုံကြည် တယ်”ဟု ပြည်တက္ကသိုလ်ကျောင်းသား သမဂ္ဂမှအကြံပေးအဖွဲ့ဝင်ကိုမြတ်မင်းထက် ကပြောသည်။

ပြည်တက်္ကသိုလ် ပါမောက္ခချုပ် ဒေါက်တာခင်သီတာသည်ကျောင်းတွင်း စီမံခန့်ခွဲမှုအားနည်းခြင်း၊ ကျောင်းသား ထုကိုကိုယ်စားပြုသည့်သမဂ္ဂနှင့် ပူးပေါင်း ဆောင်ရွက်မှုမရှိခြင်း၊ အာဏာရှင် ဆန်ခြင်းတို့ကြောင့် ပြောင်းရွှေ့ပေးရန်နှင့် အရေးယူပေးရန် မြေလတ်ဒေသကျောင်း သားသမဂ္ဂနှင့် ပြည်တက္ကသိုလ်မှကျောင်း သား၊ ကျောင်းသူများက သြဂုတ် ၂၇ ရက်တွင် ကျောင်းဝင်းအတွင်းဆန္ဒထုတ် ဖော်တောင်းဆိုခဲ့ကြောင်း သမဂ္ဂအဖွဲ့ဝင် တို့ထံမှ သိရသည်။

“သမဂ္ဂရွေးကောက်ပွဲလုပ်ရင် စနေ၊ တနင်္ဂနွေမှလုပ်ပါလားတို့၊ ကျောင်းဆင်း ချိန် ညနေ ၄ နာရီကနေ ည ၉ နာရီမှာ လုပ်ပါလားလို့သူကပြောတာရှိတယ်။ ပုံသဏ္ဌာန်မမှန်တာ၊ သမဂ္ဂအခွင့်အရေး ပိတ်ပင်တာတွေ၊ အာဏာရှင်ဆန်တာ တွေကို ခြုံငုံပြီးဆန်္ဒဖော်ထုတ်ဖို့ဒီဆုံးဖြတ် ချက်ကိုချမှတ်ခဲ့တာပါ။ ပြည်တက္ကသိုလ် ပါမောက္ခချုပ်ဒေါက်တာခင်သီတာကို အခုနေရာရွှေ့ပြောင်းလိုက်တာအပြင် ဘယ်လိုအရေးယူတာတွေလုပ်မလဲဆို တာ ကျွန်တော်တို့စောင့်ကြည့်သွားမယ်” ဟု ပြည်တက်္ကသိုလ်ကျောင်းသားသမဂ္ဂမှ အကြံပေးအဖွဲ့ဝင်ကိုမြတ်မင်းထက်က ပြောသည်။

ပြည်တက္ကသိုလ်ပါမောက်္ခချုပ်  နုတ်ထွက်ပေးရန် ကျောင်းဝန်းအတွင်း ဆန္ဒထုတ်ဖော်ခဲ့ရာတွင် ကြိုတင်ခွင့်ပြု ချက်တောင်းခံခြင်းမရှိသဖြင့် ဦးဆောင် သူကိုမြတ်မင်းထက်ကို ပြည်မြို့နယ်ရဲ တပ်ဖွဲ့မှူးကတရားလိုပြုလုပ်ကာငြိမ်းစု စီဥပဒေပုဒ်မ ၁၉ ဖြင့် အမှုဖွင့်ထားခြင်း အပေါ် ၎င်းအနေဖြင့် ရဲစခန်းသို့သွား ရောက်အစစ်ဆေးခံမည်မဟုတ်ဘဲလာ ရောက်ဖမ်းဆီးမည်ဆိုပါကသမဂ္ဂရုံးခန်း ၌ သာအဖမ်းခံမည်ဟုကိုမြတ်မင်းထက် ကပြောသည်။     အေမီအောင် (မြစ်မခ)

 

Date: 
Tuesday, September 4, 2018