ရန်ကုန်မြို့သစ်စီမံကိန်းဆိုင်ရာ အချက်အလက်များ လွှတ်တော်၌မဆွေးနွေးမီ ၀န်ကြီးထံတင်ပြခိုင်း ကိုယ်စားလှယ်များ သဘောမကျ

Author: 
ဇော်မြင့်

ရန်ကုန်မြို့သစ်စီမံကိန်းနှင့်ပတ်သက် ပြီးရန်ကုန်တိုင်းဒေသကြီးလွှတ်တော်၌ ဆွေးနွေးရန် ဇူလိုင် ၁၀ရက်တွင် ပြုလုပ် သည့် ရန်ကုန်တိုင်းဒေသကြီးလွှတ်တော် အရေးပေါ်အစည်းအဝေး ၁/၂၀၁၇ က ခွင့်ပြုခဲ့သော်လည်း ဆွေးနွေးမည့်အချက် အလက်များအား စီမံကိန်းဝန်ကြီးထံတင် ပြခိုင်းခြင်းအပေါ် လွှတ်တော်ကိုယ်စား လှယ်များက သဘောမကျကြောင်း သိရ သည်။

အဆိုပါအရေးပေါ်အစည်းအဝေး တွင် လျှပ်စစ်၊စက်မှုလက်မှုနှင့် လမ်းပန်း ဆက်သွယ်ရေးဝန်ကြီး ဒေါ်နီလာကျော် က ရန်ကုန်မြို့သစ်စီမံကိန်းကိုလွှတ်တော် သို့ရှင်းလင်းတင်ပြရာ  တိုင်းဒေသကြီး လွှတ်တော်ကိုယ်စားလှယ် ဒေါ်စန်္ဒာမင်း က ဆွေးနွေးခွင့် တောင်းဆိုခဲ့ခြင်းဖြစ် သည်။

““၀န်ကြီးတင်ပြသွားတဲ့အပေါ်မှာသိ ရတာက  ဆောင်ရွက်မယ့်ပုံစံအသစ် ပြောင်းလဲသွားပါတယ်။ ရင်းနှီးမြှုပ်နှံမှုပုံစံ လည်း ပြောင်းသွားကြောင်းသိရပါတယ်။ လွှတ်တော်ကိုယ်စားလှယ်တွေဟာဖွဲ့စည်း ပုံအခြေခံဥပဒေအရသော်လည်းကောင်း၊ လွှတ်တော်ကိုယ်စားလှယ်ရဲ့ လုပ်ပိုင်ခွင့် အရသော်လည်းကောင်း စီမံကိန်းတွေ အပေါ်မှာ ဆွေးနွေးပိုင်ခွင့်ရှိပါတယ်။ စီမံ ကိန်းဝန်ကြီးအနေနဲ့ စီမံကိန်းအပေါ်မှာ ဆွေးနွေးချင်တဲ့ကိစ်္စတွေအားလုံးကို သူ့ကို စာနဲ့တင်ပြပါဆိုတဲ့အပေါ်မှာတော့ကျွန်မ တို့အနေနဲ့ သိပ်ပြီးတော့ သဘောမကျပါ ဘူး။ ဒီစီမံကိန်းကြီးဟာ အလွန်ကြီးမား တဲ့စီမံကိန်းကြီးဖြစ်ပါတယ်။ ဒါကြောင့် ကျွန်မတို့အနေနဲ့ အသေးစိတ်ပြန်လည် ဆွေးနွေးလိုပါတယ်။   ဆွေးနွေးလိုတဲ့ အချက်အလက်တွေကို မနက်ဖြန် ၁၂ နာရီနောက်ဆုံးထားတင်သွင်းခိုင်းတာက လည်း  အချိန်မလုံလောက်ပါဘူး””  ဟု ဒေါ်စန္ဒာမင်းက အစည်းအဝေးအပြီးတွင် မီဒီယာများအား ပြောသည်။

ယင်းစီမံကိန်းကို ၂၀၁၄ခုနှစ် ၉လ ပိုင်းတွင် ရန်ကုန်မြို့တော်ဝန်ကအဆိုတင် သွင်းခဲ့ခြင်းဖြစ်ပြီး စီမံကိန်းအား ထပ်မံ လေ့လာသုံးသပ်ရန်လိုအပ်သည့်အတွက် ဆိုင်းငံ့ခဲ့ကြောင်း၊ ၂၀၁၅ ခုနှစ်၊ ၆လပိုင်း လွှတ်တော်အစည်းအဝေးတွင် ကြည့်မြင် တိုင်မြို့နယ် တိုင်းဒေသကြီးလွှတ်တော် ကိုယ်စားလှယ် ဦးမြင့်လွင်က ယင်းစီမံ ကိန်းကို အမြန်အကောင်အထည်ဖော် ပေးရန် အဆိုတင်သွင်းပြန်ရာလွှတ်တော် က အတည်ပြုခဲ့ကြောင်း သိရသည်။

ယင်းစီမံကိန်းအတွက်  ကြည့်မြင် တိုင်၊ ဆိပ်ကြီးခနောင်တိုနှင့် တွံတေးမြို့ နယ်တို့ရှိ စုစုပေါင်းလယ်မြေ ၁၈,၃၉၀ ဧကကို ပြည်ထောင်စုအစိုးရအဖွဲ့က ခွင့် ပြုခဲ့ကြောင်း သိရသည်။       

ဇော်မြင့်

Date: 
Tuesday, July 11, 2017