လူထုနှင့် တစ်သားတည်းကျအောင် ပြုပြင်သွားမည်ဟုဆို

ပြည်ခိုင်ဖြိုးပါတီရဲ့ ဒီညီလာခံအပြီးမှာ ပါတီရဲ့ ရှေ့ဆက်သွားမယ့်လုပ်ငန်းစဉ်လေးတွေကို အကျဉ်း ချုပ်လေး ပြောပြပေးပါ။

ကျွန်တော်တို့ ဒီနေ့လုပ်တဲ့ ပြည်ထောင်စုကြံ့ ခိုင်ရေးနှင့် ဖွံ့ဖြိုးရေးပါတီရဲ့ ဒုတိယအကြိမ်ညီလာ ခံ ၂၀၁၆ မှာ ရှေ့လုပ်ငန်းစဉ် ၇ ရပ်၊ နိုင်ငံရေးဦး တည်ချက် ၅ ရပ်၊ အတည်ပြုချက် ၃ ရပ်၊ မှတ်တမ်း တင်ခြင်း ၆ ရပ်၊ ဆုံးဖြတ်ချက် ၃ ရပ်တို့ကို အတည် ပြုပေးခဲ့တယ်။ ဒီပါတီညီလာခံကနေပြီးတော့ ရှေ့ ဆက်မယ့်လုပ်ငန်းစဉ် ၇ ရပ်ချမှတ်ပါတယ်။ အကြမ်း ဖျင်းကတော့ ယုံကြည်ချက်ခိုင်မာတဲ့ ပါတီတွင်းစည်း လုံးညီညွတ်မှုနှင့် ပြည်သူတွင်းစည်းလုံးညီညွတ်မှု ထက်မြက်လာဖို့ ပါတီဝင်တွေက ကြိုးပမ်းဖို့ပါတီလုပ် ငန်းစဉ်နဲ့  ချမှတ်တယ်။  ဒါကိုလည်း  အတည်ပြု တယ်။ ဒုတိယအချက်က ပါတီတွင်းဒီမိုကရေစီခိုင် မာရေးနှင့် ပါတီဝင်များက ထိန်းသိမ်းဖော်ဆောင် ပေးဖို့ ဒါက ဒုတိယချမှတ်တဲ့ ရှေ့လုပ်ငန်းစဉ်။ ဒါကို လည်း အတည်ပြုပါတယ်။ တတိယအချက်က အမျိုးဂုဏ်၊ ဇာတိဂုဏ်ကိုစောင့်ထိန်းနိုင်တဲ့ မျိုးဆက် သစ်လူငယ်များပေါ်ထွန်းလာရန် ပြုစုပျိုးထောင်ရေး ဖြစ်ပါတယ်။ စတုတ္ထက ရှေ့လုပ်ငန်းစဉ်က ပြည်သူ တွေ အလုပ်အကိုင်ရရှိရေး၊ လူမှုစီးပွားဘ၀ပိုမိုတိုး တက်မြင့်မားရေးနှင့် သဘာဝပတ်ဝန်းကျင် ထိန်း သိမ်းရေးတို့အတွက် ပါတီဝင်များက ကြိုးပမ်းဆောင် ရွက်ရေးတို့ ဖြစ်ပါတယ်။ နံပါတ် ၅ က ဒီမိုကရေစီ ကျင့်စဉ်နဲ့အတူ နိုင်ငံသားများ ရသင့်ရထိုက်တဲ့ အခွင့် အရေးဆုံးရှုံးမှုမရှိစေရေး ပါတီဝင်များက ကြိုးပမ်း ဆောင်ရွက်ရေး၊ နံပါတ် ၆ က ပြည်တွင်းငြိမ်းချမ်း ရေး၊ တရားဥပဒေစိုးမိုးရေးနှင့် တည်ငြိမ်းအေးချမ်း မှုရှိစေရေး ပါတီဝင်များက ပြည်သူများနှင့် လက်တွဲ ပူးပေါင်းဆောင်ရွက်ရေးဖြစ်ပါတယ်။ နံပါတ် ၇ က တိုင်းရင်းသားစည်းလုံးညီညွတ်မှုကို အခြေပြုတဲ့ နိုင်ငံ တော်အဓွန့်ရှည်တည်တံ့ခိုင်မြဲရေးအတွက် ပါတီဝင် များက လက်တွဲပူးပေါင်းဆောင်ရွက်ရေး ဒီညီလာခံ ရဲ့ ရှေ့လုပ်ငန်းစဉ် ၇ ရပ်အဖြစ် ပါတီဝင်များအား လုံးက ဒါကိုအတည်ပြုပါတယ်။

ရှေ့ဆက်သွားမယ့်လုပ်ငန်းစဉ် ၇ ရပ်ချမှတ် လိုက်တဲ့အတွက် ရှေ့လုပ်ငန်းစဉ်နဲ့ မလျော်ညီတဲ့ လူတွေကိုရော ထားခဲ့တာရှိလား။

၂၀၁၅ ရလဒ်ကိုကြည့်ပြီး လူတွေပြုပြင်ပြောင်း လဲဖို့ လိုတယ် ဆုံးဖြတ်ချက်နဲ့ ၂၀၁၆ မေကတည်းက အောက်ခြေမှာ လူမှန်နေရာမှန်ဖြစ်အောင် ရွေးခဲ့ ကြတယ်။ မျက်နှာစုံညီအစည်းအဝေးတွေ ခေါ်တာ ပေါ့။ မေလမှာ ကျေးအဆင့်ရွေးတယ်။ ဇွန်လမှာ မြို့နယ်အဆင့်၊ ဇူလိုင်မှာ ခရိုင်အဆင့်၊ စောစောက ကျွန်တော်ပြောခဲ့သလို ကျွန်တော်တို့ကိုက်ညီရမယ့် အချက်တွေ ၁၀ ချက်လောက်ချထားတယ်။ အဲဒါ ဘာတွေလဲဆိုတော့ ပါတီအပေါ်မှာ သစ်္စာရှိတာတို့၊ ဒေသခံဖြစ်တာတို့၊ အထူးသဖြင့် တိုင်းရင်းသားနယ် မြေတွေမှာ နောက်ပြီး ဒေသခံပြည်သူတွေက လက် ခံလား၊ အကျင့်စာရိတ်္တကောင်းတာတို့ ဒီလိုအချက် တွေအပေါ်မှာ မူတည်ပြီး ရွေးခဲ့တာ။ အဲလိုလူတွေ ကို ကျွန်တော်တို့စုဖွဲ့ပြီးပြီ။ ရှေ့လုပ်ငန်းစဉ်တွေကို လည်း ချပြဦးမှာ။ အောက်ကိုလည်း ဆင်းတွေ့ဦး မှာ။ ကျွန်တော်တို့ ရွေးချယ်ခဲ့တဲ့အချက်တွေနဲ့ ညီ လား၊ မညီလားဆိုတာကိုလည်း ကျွန်တော်တို့ ၆ လတန်သည်ဖြစ်စေ၊ ၉ လတန်သည်ဖြစ်စေ သတ် မှတ်ချက်ကတော့ အတိအကျတော့မရှိသေးဘူး။ ဆင်းပြီးတော့ ကျွန်တော်တို့ စစ်ဦးမှာ။ ဒါနဲ့မညီတဲ့ လူတွေကိုလည်း ပြန်လည်ပြင်ဆင်ရွေးချယ်ရေးလုပ် ဦးမှာ။

၂၀၁၅ မှာ ရှုံးနိမ့်ခြင်းကြောင့် ပါတီရဲ့အတွင်း ပိုင်းကို ပြန်လည်ပြုပြင်တယ်လို့ ဝေဖန်မှုတွေရှိတယ်။ အဲဒီအပေါ် ဘယ်လိုမျိုးတုံ့ပြန်ချင်ပါသလဲ။

ဒီလိုတော့ စဉ်းစားလုိ့ရတာပေါ့။ ဒီလိုလုပ်တယ် ဆိုတာ ၂၀၁၅ ရလဒ်ကိုမူတည်ပြီးလုပ်တာ။ ၂၀၁၅  ရလဒ်မှာ ရှုံးတယ်။ ဒါပေမဲ့ အချို့ပြောသလို တောင် ပြိုကမ်းပြိုသလို ရှုံးတာမဟုတ်ဘူး။ တစ်နိုင်ငံလုံး မဲ ၇ သန်းရတယ်။ နိုင်သွားတဲ့ ပါတီက မဲ ၁၄ သန်း လောက်ရတယ်လို့ သိရတယ်။ ဒီကြားထဲမှာ မဲမပေး နိုင်တဲ့သူတွေက သန်းအများကြီးကျန်တယ်။ အဲလူ တွေက ကိုယ့်ပေးမလား၊ ဘာလားမသိဘူး။ ကျွန် တော်တို့ပါတီကလည်း ထိုက်သင့်သလောက်ရထား တာဖြစ်တဲ့အတွက် ဆက်ပြီး ပါတီရှိနေဖို့လိုတာပေါ့။ သို့သော်လည်း ကျွန်တော်ပြောသလို ပြန်သုံးသပ်တဲ့ အခါမှာ မူနဲ့လူကို ပြုပြင်ဖို့လိုတယ်။ အဓိကအားဖြင့် လူကိုပြုပြင်ဖို့လိုတယ်။ ရှုံးနိမ့်တာကလည်း ဒီလူတွေ ရဲ့အချက်တွေအပေါ်မှာလည်းပါတာပေါ့။ ဒါကြောင့် ကျွန်တော်တို့က ပြင်တာပါ။

၂၀၁၅ ခုနှစ်ရွေးကောက်ပွဲမှာ ရှုံးနိမ့်ခဲ့တဲ့အတွက် ပြည်သူတွေရဲ့ အကူအညီတောင်းမှုတွေကို ရပ်ကျေး အဆင့်နဲ့ အောက်ခြေကလူတွေက အကူအညီမပေး တော့ဘူးလို့ ပြောနေတာတွေရှိတယ်။ အဲဒီအပေါ် ပစ်ပယ်ထားမှာလား၊ ဒါမှမဟုတ် ရှေ့ဆက်ပြီးကူညီ သွားမှာလားဆိုတာ သိချင်ပါတယ်။

ကျွန်တော်တို့မပစ်ပယ်ပါဘူး။ ဘာလို့လဲဆို တော့ ဒီလူတွေက ကျွန်တော်တို့ရဲ့ မဲဆန်္ဒရှင်တွေ ပဲလေ။ ပစ်ပယ်တာမရှိပါဘူး။ အစိုးရဆိုရင်တော့ လည်း ပိုပြီးထောက်ပံ့နိုင်ရင် ထောက်ပံ့နိုင်မှာပေါ့ ဗျာ။ ကျွန်တော်တို့မှာ ကျွန်တော်တို့ရှိတဲ့အားနဲ့ လုပ် အားဒါနဆိုလည်း ဒါန၊ အခု သဘာဝဘေးအန်္တရာယ် ရေကြီးတဲ့အခါမျိုးမှာ ကျွန်တော်တို့ပြည်ခိုင်ဖြိုးပါတီ က သတင်းစာထဲမှာလည်း တွေ့မှာ။ ပြည်ထောင်စု နေ့စဉ်မှာဆို ဇယားနဲ့ဖော်ပြတာ။ ဒါတွေက တိုင်းနဲ့ ပြည်နယ်နဲ့ ခရိုင်အလိုက် လုပ်နေကြတာပဲ။ ငွေ ကြေးထောက်ပံ့တာ တစ်ခုတည်းကြည့်လိုမရဘူး။ ကျွန်တော်တို့တတ်နိုင်တဲ့ဘက်က ထောက်ပံ့မယ်။ ဆက်လက်ပြီးလုပ်ဦးမှာပါ။ မဲဆန္ဒပြည်သူတွေကို ပစ် မထားပါဘူး။

ပါတီဥက္ကဋ္ဌပြောတဲ့အထဲမှာ လူထုကန့်ကွက်တဲ့ လုပ်ငန်းတွေကို အစိုးရအနေနဲ့ လုပ်မယ်ဆိုရင် လူထု ဘက်ကနေပြီး ပြည်ခိုင်ဖြိုးပါတီအနေနဲ့ ရပ်တည် သွားမယ်လို့ပြောခဲ့တာ။ အဲအပေါ် သဘောထား အကျယ်တ၀င့်လေး ပြောပြပေးပါ။

မှန်ပါတယ်။ ကျွန်တော်တို့က လူထုအပေါ်မှာ အခြေပြုရမှာကို။ ဒီကိစ်္စတွေက လူထုမကြိုက်ဘူး။ ဒီကိစ်္စတွေက မလုပ်သင့်ဘူး ပြောရင်ဒါကို ပြန် လည်စဉ်းစားသုံးသပ်ပြီး နောက်ဆုတ်ပေးရမှာပေါ့။ ဘယ်ဟာတွေပေါ်မှာလဲဆိုတာတော့ မူတည်တာ ပေါ့။ ကျွန်တော်တို့ကတော့ လူထုအကျိုးရှိအောင်၊ လူထုကျေနပ်အောင်လုပ်တာပဲ။ သူတို့ဘယ်အချက် တွေအပေါ်မှာ ကန့်ကွက်လာမလဲဆိုတာအပေါ် မူတည်တာပေါ့။

ပါတီအနေနဲ့ အခုလူထုကန့်ကွက်နေတဲ့ မြစ်ဆုံ ကိစ်္စနဲ့ ပတ်သက်ပြီး ဘယ်လိုမျိုးရပ်တည်သွားမလဲ။

အဘတို့ပါတီအစိုးရဖြစ်တဲ့ကာလတုန်းက သမ်္မတကြီးဦးသိန်းစိန်။ အဲဒီအချိန်က မြစ်ဆုံကို ပြည်သူတွေက သဘောမတူလို့ ရပ်တန့်ခဲ့တယ်။ ကျွန်တော်တို့ အစိုးရအဖွဲ့သက်တမ်းရပ်တန့်ခဲ့တာ ကျွန်တော်တို့ရဲ့ သဘောထားရပ်တည်ချက်ကို ပြတ် ပြတ်သားသားပေးခဲ့ပြီးပြီ။ ဒီဘက်ပိုင်းမှာ ဒီဘက် အစိုးရက ဘယ်လိုဆုံးဖြတ်မလဲဆိုတဲ့ ကိစ်္စပေါ့နော်။ ဒါကတော့ ကျွန်တော်တို့ မသိဘူး။ ဘာပဲပြောပြော လူထုဆန္ဒ၊ လူထုရဲ့သဘောထားမဖြစ်မနေ ထည့် သွင်းရမယ့်ကိစ်္စဖြစ်ပါတယ်။

ဒါဆို ပြည်ခိုင်ဖြိုးအနေနဲ့ လူထုနဲ့ တစ်သား တည်းကျအောင် ပြုပြင်ပြောင်းလဲသွားမယ်လို့ ဆိုလို တာလား။

မှန်ပါတယ်။ အဲလိုဖြစ်အောင် ကြိုးစားသွားမှာ ပါ။ ဒါကို အစွမ်းကုန်ကြိုးစားသွားမှာပါ။

ပါတီအနေနဲ့ ၂၀၁၇ ကြားဖြတ်ရွေးကောက်ပွဲ မှာကော ၀င်ပြိုင်သွားဖို့ရှိလား။

အခုအချိန်ထိတော့ ပြိုင်ပါမယ်။ ဘာကြားလဲ ဆိုတော့ ကြားဖြတ်နေရာ ၁၃ နေရာရှိတယ်။ အတိ အကျတော့ မသိဘူး။ ဘယ်သူ့ကို ဘယ် နေရာမှာ ထားမယ်ဆိုတာ ပြန်ရွေးရမှာကို။ ၀င်တာတော့ ၀င်ပြိုင်မယ်။ ဘယ်လိုကိုယ်စားလှယ်လောင်း တွေနဲ့ ဆိုတာ သတ်မှတ်တာတော့ မရှိသေးဘူး။

 

ဖြိုးအောင်

Date: 
Tuesday, August 30, 2016