ထောင်ထဲက စည်းလုံးညီညွတ်မှုမျိုး ပြန်လည်တည်ဆောက်ရန် ဦးကိုကိုကြီးဆို

Tuesday, December 27, 2016 - 16:45

ထောင်ထဲကစည်းလုံးညီညွတ်မှုမျိုး ပြန်လည်တည်ဆောက်နိုင်မှသာ ဒီမိုက ရေစီရှေ့ခရီးဖြောင့်ဖြူးနိုင်မည်ဖြစ်ကြောင်း ဒီဇင်ဘာ၂၅ရက်တွင် တောင်ဝင်နှင်းဆီ၌ ကျင်းပပြုလုပ်သည့်သာယာဝတီ အကျဉ်း ထောင် Anti Labour  တိုက်ပွဲ ၂၇နှစ် မြောက်နှစ်ပတ်လည်အခမ်းအနားတွင်၈၈ မျိုးဆက်ငြိမ်းချမ်းရေးနှင့် ပွင့်လင်းလူ့အဖွဲ့ အစည်းမှဦးကိုကိုကြီးကပြောကြားသည်။

ယင်းအခမ်းအနားသို့ဦးကိုကိုကြီးနှင့် အတူနိုင်ငံရေးအကျဉ်းသားဟောင်းများ အဖွဲ့ (FPPS)  မှ ဦးထွန်းကြည်၊ ရန်ကုန် တိုင်းဒေသကြီးလွှတ်တော်ကိုယ်စားလှယ် ဦးသန်းအောင်နှင့် ရွှေတွံတေးဆရာတော် တို့တက်ရောက်ဟောပြောခဲ့ကြသည်။ ကိုယ်ရောက်ရှိနေသည့်နေရာကိုရောက် အောင်ဖြတ်သန်းခဲ့ရသည့်ခြေရာများအား မမေ့ရန်လိုကြောင်း၊ ထောင်တွင်းစည်းလုံး ညီညွတ်မှုမျိုးအပြင်မှာ  ပြန်လည်တည် ဆောက်ရမည်ဖြစ်ကြောင်း ဦးကိုကိုကြီး ကပြောသည်။

“ကိုယ်ရောက်နေတဲ့နေရာကိုဘယ် လိုဖြတ်သန်းလာသလဲဆိုတဲ့ ခြေရာတွေ ကို မမေ့ဖို့အရေးကြီးပါတယ်။ အဲဒီခြေ ရာတွေကို မေ့ဖျောက်ပစ်ပြီးတော့ ကိုယ် ရောက်နေတဲ့နေရာမှာ အလိုလိုပဲရောက် လာသလိုလိုထင်နေရင်တော့ ရှေ့ဆက် လှမ်းဖို့အတွက်အခြေအနေမကောင်းဘူး။ အခုလူငယ်တွေက နိုင်ငံရေးဆိုတာဘယ် လိုထင်နေသလဲဆိုတော့ ကားတွေနဲ့ လှည့်၊၀တ်စုံတွေဝတ်၊တီးကြမှုတ်ကြသီချင်း တွေဆိုကြနဲ့ ပျော်စရာပဲလို့ထင်နေကြ တယ်။ ကျွန်တော်တို့တိုက်ခဲ့ရတဲ့ တိုက် ပွဲတွေကို အခုလူငယ်တွေသိအောင်သမိုင်း တန်ဖိုးကိုနားလည်အောင်ပြန်ပြန်ပြောနေ ရခြင်းဖြစ်တယ်။ ဒီနေ့ထောင်ထဲမှာ ရေ လောင်းအိမ်သာနဲ့၊ ကွပ်ပျစ်နဲ့၊ ရေသန့်စက် နဲ့၊ စာဖတ်ခွင့်နဲ့ နေလို့ရအောင်ဒီတိုက်ပွဲ တွေ တိုက်ခဲ့ရတယ်ဆိုတာကိုတော့ သိ စေချင်တယ်။ ကျွန်တော်တို့အားလုံးလည်း ထောင်ထဲကလိုစည်းလုံးညီညွတ်မှုမျိုးပြန် လည်တည်ဆောက်နိုင်မှသာ ဒီမိုကရေစီ ရှေ့ခရီးဖြောင့်ဖြူးနိုင်မယ်”ဟု ဦးကိုကိုကြီး ကဆိုသည်။

ရွှေတွံတေးဆရာတော်ကလည်း ယခုလိုအခမ်းအနားများလုပ်၍ ညီညွတ် ရေးတည်ဆောက်ကာပိုမိုကျယ်ပြန့်သည့် နိုင်ငံရေးလူမှုရေးများဆောင်ရွက်သွားမည် ဖြစ်ကြောင်းမိန့်ကြားခဲ့ပြီးအခမ်းအနားကျင်း ပရခြင်း၏ရည်ရွယ်ချက်များကိုကိုဇော်မြင့် ကရှင်းလင်းတင်ပြခဲ့သည်။ ကိုလိုနီနယ်ချဲ့ အစိုးရကပင်လျှင်ပေးအပ်ခဲ့ရသည့်နိုင်ငံ ရေးအကျဉ်းသားအခွင့်အရေးနှင့် ဂုဏ် သိက်္ခာအတွက် စစ်အစိုးရလက်အောက် ထောင်အာဏာပိုင်များထံအပြင်းအထန် တောင်းဆိုတိုက်ပွဲဝင်ခဲ့ကြသည့်သမိုင်း အမှန်တရားအား လက်ဆင့်ကမ်းရှင်သန် ရေး၊ နိုင်ငံတော်နှင့် နိုင်ငံသားတို့၏အကျိုး စီးပွားအတွက် နိုင်/ကျဉ်းဟောင်းများစု စည်းညီညွတ်စွာဆက်လက်အကောင် အထည်ဖော်ရေး၊ အသွင်ကူးပြောင်းရေး ကာလတရားမျှတမှုအတွက် ကျရာအခန်း ကဏ္ဍတွင် ပါဝင်ထမ်းဆောင်ရေးရည်ရွယ်   ချက်သုံးရပ်ဖြင့် ကျင်းပခဲ့ခြင်းဖြစ်ကြောင်း သိရသည်။                    မြေရိုင်း