ဖက်ဒရယ်ဆိုတာ တိုင်းရင်းသားတွေအတွက်ချည်းပဲမဟုတ်ပါ ဗမာတွေအပါအ၀င် ပြည်ထောင်စုဖွားအားလုံးအတွက်ပါဟု ခွန်မြင့်ထွန်းဆို

Tuesday, January 3, 2017 - 17:30

လက်ရှိဖော်ဆောင်နေသည့်ဖက်ဒရယ် စနစ်မှာတိုင်းရင်းသားတွေအတွက်ချည်းပဲ မဟုတ်ကြောင်း၊ ဗမာတွေအပါအ၀င်ပြည် ထောင်စုဖွားအားလုံးအတွက်ဖြစ်ကြောင်း ပအိုဝ်းအမျိုးသားလွတ်မြောက်ရေးအဖွဲ့ ချုပ်ဥက်္ကဋ္ဌခွန်မြင့်ထွန်းက “ဤခရီး (ငြိမ်း ချမ်းရေး) နီးပြီလား” ခေါင်းစဉ်ဖြင့် ဆွေး နွေးဟောပြောသည့်အသိပညာမျှဝေပွဲ တွင်ပြောကြားသည်။

“ဤခရီး (ငြိမ်းချမ်းရေး) နီးပြီလား” အသိပညာမျှဝေပွဲကို ကြို့ပင်ကောက်မြို့ ရွှေပျားရည်ခန်းမ၌နိုင်ငံရေးအကျဉ်းသား ဟောင်းများအဖွဲ့နှင့် သာယာဝတီခရိုင်နိုင်ငံ   ရေးအကျဉ်းသားဟောင်းများကပူးပေါင်း စီစဉ်ခဲ့ခြင်းဖြစ်ပြီး ဦးလှမောင်ရွှေ (အကြံ ပေး၊ ငြိမ်းချမ်းရေးကော်မတီ)၊ ခွန်မြင့်ထွန်း (ဥက္ကဋ္ဌ၊ ပအိုဝ်းအမျိုးသားလွတ်မြောက်ရေး အဖွဲ့ချုပ်)၊ ဦးရန်ကျော် (မြန်မာ့နိုင်ငံရေး လေ့လာသုံးသပ်သူ)တို့ကဦးဆောင်ဆွေး နွေးဟောပြောခဲ့ကြသည်။

NCA  ကိုရခဲ့သည့်အကြောင်းရင်းမှာ ငြိမ်းချမ်းရေးခရီးနီးဖို့အကြောင်းရင်းဖြစ် ကြောင်း၊ ကိုယ့်မှာရှိသည့်အမှန်တရားကို သူကအသိအမှတ်ပြုဖို့လိုသကဲ့သို့သူ့မှာရှိ သည့်အမှန်တရားကိုကိုယ်ကအသိအမှတ် ပြုဖို့လိုကြောင်း၊ အာမခံချက်များအပြည့် အ၀ရှိသော ဒီမိုကရေစီနှင့် ဖက်ဒရယ် စနစ်တို့ကိုအခြေခံသည့်ပြည်ထောင်စုဆို သည်မှာ တိုင်းရင်းသားအားလုံး၏လိုလား ချက်ဖြစ်ကြောင်း ပအိုဝ်းအမျိုးသားလွတ် မြောက်ရေးအဖွဲ့ခေါင်းဆောင်ခွန်မြင့်ထွန်း ကပြောသည်။

“NCA  ဟာ ငြိမ်းချမ်းရေးရဖို့အခွင့် အလမ်းကို ဖန်တီးနိုင်လိုက်တာဖြစ်ပါ တယ်။ ငြိမ်းချမ်းရေးခရီးနီးလာတဲ့အချက် ကတော့ ကျွန်တော်တို့ရဲ့တော်လှန်ရေးကို အစိုးရကလက်ခံပေးပြီး NCA ချုပ်ဆိုခဲ့ တာဖြစ်ပါတယ်။ ပင်လုံစိတ်ဓာတ်နဲ့ အညီ ဒီမိုကရေစီရေး၊ အမျိုးသားတန်းတူရေး နှင့် ကိုယ်ပိုင်ပြဋ္ဌာန်းခွင့်အခွင့်အရေးများ၊ အာမခံချက်များအပြည့်အ၀ရှိတဲ့ ဒီမိုက ရေစီနှင့် ဖက်ဒရယ်စနစ်တို့ကိုအခြေခံတဲ့ ပြည်ထောင်စု။ဒါလက်နက်ကိုင်ကိုင်မကိုင် ကိုင်ကိုင်ကျွန်တော်တို့တိုင်းရင်သားအား လုံးရဲ့ လိုလားချက်ဖြစ်ပါတယ်။ တပ်မ တော်ရဲ့ မူကိုကျွန်တော်တို့က လက်ခံပေး၊ ကျွန်တော်တို့ရဲ့မူကိုလည်း တပ်မတော် ကလက်ခံပေးတယ်၊ ပြီးတော့ အလယ်မှာ လောကပါလတရားနဲ့ ချုပ်ပြီးတော့ NCA  ကိုလုပ်ခဲ့တာဖြစ်ပါတယ်။ ဒေသကြီး တယ်။ ငယ်တယ်မခွဲခြားဘဲ လူမျိုးစုတွေ အတွက် တန်းတူခွင့်ပေးတာဖက်ဒရယ်ရဲ့ အနှစ်သာရပဲဖြစ်ပါတယ်။ ဒါကြောင့် ကျွန်တော်တို့ဖော်ဆောင်နေတဲ့ ဖက်ဒရယ် ဆိုတာ တိုင်းရင်းသားတွေအတွက်ချည်း ပဲမဟုတ်ပါဘူး။ ဗမာတွေအပါအ၀င်ပြည် ထောင်စုဖွားအားလုံးအတွက်ဖြစ်ပါတယ်” ဟု ဥက်္ကဋ္ဌခွန်မြင့်ထွန်းကဆိုသည်။

မြန်မာ့နိုင်ငံရေးလေ့လာသုံးသပ်သူ ဦးရန်ကျော်ကလည်းကိုယ့်အစိုးရကိုယ့် သဘောထားတစ်ခုတည်းကိုအသေဆုပ်ကိုင်  ပြီးဆွေးနွေးကြမည်ဆိုလျှင်မအောင်မြင် သည့်သင်ခန်းစာများအတိတ်တွင်ရှိခဲ့ ကြောင်းပြောသည်။ ၂၁ ရာစုပင်လုံပြင် ဆင်ရေးကော်မတီဝင် UPDJC အတွင်း ရေးမှူးအဖွဲ့ဝင်၊ ငြိမ်းချမ်းရေးကော်မတီ အကြံပေးပုဂ်္ဂိုလ်ဦးလှမောင်ရွှေကလည်း ယနေ့လောက်ငြိမ်းချမ်းရေးခရီးနီးဖို့အခွင့် အလမ်းဘယ်သောအခါမှမရှိခဲ့ကြောင်း ပြောသည်။

“၆၈ နှစ်လောက်ကြာတဲ့ ပြည်တွင်း စစ်မှာ ငါးနှစ်ကျော်လောက်ပဲရှိသေးတဲ့ အတွေ့အကြုံအရပြောရမယ်ဆိုရင်မလုံ လောက်ဘူးဆိုပေမဲ့ ဒီနေ့လောက် အခွင့်အလမ်း  နီးဖို့အခွင့်အလမ်းဘယ် သောအခါမှမရှိခဲ့ဘူးလို့ ပြောလိုပါတယ်။ နီးတယ်ဝေးတယ်ဆိုတာကန့်သတ်ချက်တစ် ခုပါပဲ။ မတူတဲ့ ရှုထောင့်တွေမှာဝေးတာ လည်းရှိချင်ရှိမယ်။ သေချာတာကတော့ ကျွန်တော်တို့အားလုံးငြိမ်းချမ်းရေးလိုချင် တယ်။ စကားတစ်ခွန်းရှိပါတယ်။ No Peace No Democracy ပါ။ကျွန်တော်တို့ ဒီမိုကရေစီအသွင်ကူးပြောင်းဖို့ကြိုးပမ်း နေတဲ့အခြေအနေမှာ ငြိမ်းချမ်းရေးဟာ အင်မတန်မှ အရေးကြီးပါတယ်။ ဘာ ကြောင့် ဒီအချိန်မှာ နီးသလဲလို့ ကျွန်တော် ပြောနိုင်သလဲဆိုရင် NCA  စာချုပ်ဆိုတာ တိုင်းရင်းသားတွေတင်တာပါ။ ၂၀၁၅ ခုနှစ် မတ်လမှာညှိနှိုင်းပြီးစီးခဲ့ပြီး တိုင်းရင်း သားတွေလိုချင်တဲ့ပုံစံ ၉၀ ရာခိုင်နှုန်းပါ ၀င်လို့ပါပဲ။ အခုစစ်ပွဲတွေဖြစ်နေတဲ့ တိုင်း ရင်းသားတွေအကုန်လုံးဟာ ညှိနှိုင်းတဲ့ အထဲပါပြီးသားပါ။ လက်မှတ်သာမထိုး နိုင်သေးတာပါ။ ဒီနေ့ပေါ်လာတဲ့ အစိုးရ သစ်ရဲ့ထူးခြားတာက လူထုရဲ့ ထောက်ခံ မှုကိုအများကြီးရထားတဲ့အတွက် ငြိမ်းချမ်း  ရေးအတွက်အခြေခံကောင်းဖြစ်နေတာ ဖြစ်ပါတယ်။ အတိုက်အခံဘ၀ကလာတဲ့ အစိုးရဖြစ်တဲ့အတွက် တိုင်းရင်းသားတွေ ကလည်း အများကြီးမျှော်လင့်တယ်။ ဒါကြောင့် ငြိမ်းချမ်းရေးခရီးရှည်ကိုနီးသ ထက်နီးအောင်သွားနိုင်တဲ့ အခွင့်အလမ်း တွေအများကြီးရှိပါတယ်”ဟု ဦးလှမောင် ရွှေကဆိုသည်။

NCA Road Map မှာအဆင့် ၇ ခု  ရှိကြောင်း၊ လက်မှတ်ရေးထိုးခြင်း၊ မူဘောင်များပြင်ဆင်၍ အမျိုးသားအဆင့်  နိုင်ငံရေးဆွေးနွေးပွဲများပြုလုပ်ခြင်း၊ ပြည် ထောင်စုငြိမ်းချမ်းရေးညီလာခံလုပ်ခြင်း၊ လွှတ်တော်တွင်အတည်ပြုခြင်း၊အကောင် အထည်ဖော်ခြင်းတို့ပါဝင်ကြောင်း သိရ သည်။

ယင်းအသိပညာမျှဝေပွဲသို့ပဲခူးတိုင်း ဒေသကြီးလွှတ်တော်ကိုယ်စားလှယ်များ၊ အမျိုးသားဒီမိုကရေစီအဖွဲ့ချုပ်ဝင်များ၊ သာယာဝတီခရိုင်နိုင်ငံရေးအကျဉ်းသား ဟောင်းများ အပါအ၀င်ပရိသတ် ၃၀၀ ခန့်တက်ရောက်ခဲ့ကြသည်။     ဇော်မြင့်