ကုန်စည်ဈေးကွက်သတင်းများ

ဈေးကွက်အတွင်း တိုင်းရင်းဆေး ဖြန့်ဖြူးရောင်းချရေးအတွက်တိုင်းရင်းဆေး ပညာဦးစီဌာနကထုတ်လုပ်ခွင့်မှတ်ပုံတင် ချပေးရာတွင် အချိန်ကြန့်ကြာမှုများ ကြောင့် တိုင်းရင်းဆေးလောကတိုးတက် ရေး အခက်အခဲဖြစ်နေကြောင်း တိုင်းရင်း ဆေးဝါးထုတ်လုပ်သူများထံမှသိရှိရသည်။

ထီလက်မှတ်များ ပြန်လည်ရောင်း ချရာတွင် ထီလက်မှတ်ပေါ်၌ ရိုက်နှိပ် ထားသော တန်ဖိုးအတိုင်းရောင်းချရန် နှင့် တန်ဖိုးအတိုင်း ရောင်းချခြင်းမပြုပါ က ပဋိညာဉ်စာချုပ်ပါအတိုင်း အမည် ပျက်စာရင်း (Black List) အဖြစ် သတ် မှတ်ခြင်းခံရမည့်အပြင် လစဉ်ထီစာအုပ် ၀ယ်ယူခွင့်ကို ပြန်လည်ရုပ်သိမ်းခြင်း၊ ပေး သွင်းထားသော အာမခံငွေ G(Deposite) များအားလုံး နိုင်ငံတော်ဘဏ္ဍာအဖြစ် သိမ်းယူမည်ဟု အောင်ဘာလေသိန်းဆု ဌာနခွဲက ဇန်န၀ါရီ ၂၃ ရက်တွင် ထုတ် ပြန်ကြေညာသည်။

အများပိုင်မော်တော်ယာဉ်စနစ်ပြု လုပ်ရာတွင် ၁၉၉၅ ခုနှစ်မော်ဒယ် မော် တော်ယာဉ်နှင့် CNG ယာဉ်များ အပ်နှံ ကာ အိမ်စီးကားစလစ်ထုတ်ပေးလိုက်ခြင်း ကြောင့် ကားစလစ်တန်ဖိုးများ ငွေကျပ် ၂၅သိန်းအထိဈေးနှုန်းလျော့ကျခဲ့ကြောင်း ရန်ကုန်မြို့ ကားဈေးကွက်အတွင်းမှစုံစမ်း သိရသည်။

မြ၀တီတွင် ယခုရက်ပိုင်းအတွင်း မြန်မာကျပ်ငွေတန်ဖိုး ကျဆင်းမှုကြောင့် တစ်ပိုင်တစ်နိုင်ကုန်သွယ်ရေးလုပ်ငန်းရှင် အများစု ကုန်သွယ်မှုရပ်နားထားကြောင်း ဒီဇင်ဘာ ၂၅ရက်တွင် စုံစမ်းသိရှိရသည်။

ရန်ကုန်မြို့တွင်းမြို့နယ်များဖြစ်သော ကျောက်တံတား၊ ပန်းဘဲတန်း၊ လသာ၊ လမ်းမတော်မြို့နယ်များရှိ လမ်းဘေး ဈေးသည်များ နိုဝင်ဘာလ ၂၄ ရက်နေ့ ကမ်နားလမ်းရှိ ညနေဈေးတန်းနေရာသို့ စတင်ပြောင်းရွေ့ရမည်ဖြစ်ကြောင်း ကျောက်တံတားမြို့နယ် အမှတ်(၁) တိုင်း ဒေသကြီးလွှတ်တော် ကိုယ်စားလှယ် ဒေါ်ကြည်ပြာထံမှ သိရသည်။