စစ်အရေးအမြင်ကြည်လင်စေဖို့

ပြည်တွင်းစစ်အကြောင်း တစေ့တစောင်း- လွတ်လပ် ရေးရပြီး ၁၉၄၈ မတ်လခန့်မှစပြီး ဗကပများ၊ ကရင်၊ ကချင်များတောခိုခဲ့သည်။ နိုင်ငံရေးမူဝါဒစနစ်ကြောင့် ဆိုသော်လည်း အာဏာ၊ နေရာ၊ ပါဝါ၊ ဘဏ္ဍာခွဲဝေ မှု မညီမျှ၍ အာဏာမရ-မပါဝင်ရ၍ဖြစ်မည်။ မင်းသားကြီးမလုပ်ရ၍ ပတ်မကြီးထိုးဖောက်ခြင်းဖြစ်  မည်ထင်မိသည်။ လက်နက်ကိုင်တိုင်းရင်းသားရောင် စုံ သူပုန်-သူကန်များ အဲဒီကစခဲ့ရာ ယနေ့ ၂၀၁၇ ထိပင်ဖြစ်သည်။ ပြည်တွင်းစစ်ပွဲတွေ ဘယ်ကစလဲ၊ ဘယ်သူတွေပါဝင်လဲ၊ ဘယ်တုန်းကလဲ၊ ဘာကြောင့် လဲ၊ ဘယ်သူ့အတွက်လဲ၊ နိုင်ငံအတွက်၊  လူမျိုး အတွက်၊ ပြည်သူအတွက်လား၊ ရာထူး၊ အာဏာ၊ အသပြာ၊ အတ်္တကိုယ်ကျိုးစီးပွားအတွက် လားဆိုတာ သမိုင်းအထောက်အထား နည်းနည်းလေးလောက် တော့ ပြည်တွင်းစစ်အကြောင်း နောက်ကြောင်းပြန် ရေးပြဖို့လိုပါသည်။ စစ်ရေးအမြင်-စစ်ရေးပေါ် ရှုမြင် သုံးသပ်ပုံ ဆိုရုံမျှနှင့်လုံလောက်မည် မထင်မိ။ ယောင်ဝါးဝါးနှင့် လူငယ်တို့အမြင်မှား၊ အထင်လွဲ အောင်မရေးသင့်ပါ။ ခိုင်လုံသော သက်သေ အထောက်အထားနှင့် Why and How ဆိုသည်လေးတော့ရှင်းပြသင့်သည်ထင်ပါသည်။

ဘယ်သူတွေက မှားနေလဲ၊ တရားနေလဲ- တိုင်းရင်း သားရောင်စုံသူပုန်တို့နှင့် တိုက်ပွဲဖြစ်ပွားခဲ့သည့်စစ် မှတ်တမ်းများအရ၊ဖြစ်စဉ်များအရ သူပုန်များဘက်မှ စတင်တိုက်ခဲ့ကြသည်ကများသည်။ ချောင်းမြောင်း ပစ်ခတ်ခြင်း၊ မိုင်းဆွဲပြီး ချုံခိုတိုက်ခိုက်ခြင်း၊ ယာဉ်တန်း ချုံခိုတိုက်ခြင်း၊ ပစ်ကွင်းမြင်ကွင်းရှင်းထားပြီး သတ် ကွင်းသွင်း၍ တောင်ကုန်းပတ်လည်ပေါ်မှ အပိုင်ပစ် ခတ်ခြင်း၊ သွားလမ်း- လာလမ်း၊ ရေဆိပ်၊ ရေကန်၊ ရေချောင်းစပ်တို့တွင် မိုင်းထောင်ဝိုင်းပစ်ခြင်း၊ ပြောက်ကျားနည်းဗျူဟာဖြင့် ရွာတွင်းမှစောင့်ကြို တိုက်ခိုက်ခြင်းတို့ အများဆုံးလုပ်သည်။ ပွိုင့်ကိုဖြစ် စေ၊ နောက်ဆုံးပိတ်အဖွဲ့ကိုဖြစ်စေ၊ အပိုင်စောင့်၊ ၀ိုင်း ပစ်ပြီး ထွက်ပြေးခြင်းလည်းရှိသည်။ တပ်မတော် အပေါ်ဤသို့-ဤပုံ ပစ်ခတ်နှောင့်ယှက်၊ တိုက်ခိုက် သတ်ဖြတ်နေခဲ့သည့် အစဉ်အလာကြာပြီဖြစ်ပါသည်။ ထိုသည်က တရားသော စစ်လား-စစ်အရေးအမြင် အရ ဝေဖန်ထောက်ရှုကြည့်နိုင်ပါသည်။ ကကကြည်း (စစ်ဆင်ရေး) ဌာနစုတွင် တိုက်ပွဲမှတ်တမ်းများ လအလိုက်စာအုပ်ချုပ်ဖိုင်တွဲထားသည်။ မကြာမီက ဖြစ်ပွားခဲ့သော မောင်တော၊ မူဆယ်၊ မုန်းကိုးတိုက်ပွဲ များတွင် ဘယ်ဘက်က စတင်လိုက်ခဲ့သလဲ။ လောက် ကိုင် တိုက်ပွဲကိုဘယ်သူတွေက (တရုတ်ပြည်တွင်းက) ဘယ်ကချီတက်ပြီး စတိုက်ခဲ့သလဲ၊ စစ်အရေးအမြင် ရှိလျှင် သိနေမည်ဖြစ်ပါသည်။

မှောင်ထဲကနေချောင်းရိုက်နေတာ တရားလား- စစ်ဆင်ရေးနယ်မြေတို့မှာ များသောအားဖြင့် တိုင်း ရင်သားသူပုန်တို့၏ နယ်စပ်ဒေသများဖြစ်သည်။ မိုင်းထောင်၊ မိုင်းဆွဲပြီး ချုံခိုတိုက်ခိုက်သည်။ အလစ် အငိုက်ချောင်းမြောင်းတိုက်ခိုက်သည်။ တပ်မတော် ကလိုက်လံရှင်းလင်းလျှင် ပဒေသာမိုင်းဆွဲသည်။ ထပ်မံဝိုင်းဝန်းပစ်ခတ်ပြန်သည်။ ဤသို့ဤနှယ်တိုက် ပွဲဖြစ်စဉ်များက ခြေရာချင်းထပ်နေခဲ့ပြီ။ မှတ်ပါ စစ်ရေးကိစ္စသေးလည်း မလေးမလောက်၊ နှုတ်မ ပေါက်နှင့်ဆိုသလို မရေးသင့်မပြောသင့်တာတွေ အများကြီးရှိနေ၊ ကျန်နေသေးသည်။ ပြောချင်လွန်း လို့ စစ်ရေးအမြင်အကြောင်း စစ်ပေါ်ရှုမြင်သုံး သပ်ပုံတွေ (က) မင်္ဂလာဒုံတပ်မတော်စစ်ဆေးရုံကြီး (DSGH)   နှင့် တပ်မတော်ဆေးရုံများတွင် ခြေပြတ်၊ လက်ပြတ်၊ ငယ်ပါပြတ်၊ ကိုယ်အင်္ဂါအစိတ်အပိုင်း မျိုးစုံဒဏ်ရာရချို့ယွင်းရသူများ၊ မှတ်တမ်းစုံ၊ ဇာတ် လမ်းစုံရှိပါသည်။ သွားရောက်လေ့လာဖူးစေချင် သည်။ (ခ) တပ်မတော်မှတ်တမ်းရုံး (RODS)  ပင်စင်ဌာန၌ တိုက်ပွဲကျဆုံးသူများ၊ မုဆိုးမများ၊ အဖမဲ့ကလေးများစာရင်းရှိပါသည်။

သူပုန်တွေ ဘာလုပ်ခဲ့လဲ၊ ဘာလုပ်နေလဲ- အင်္ဂလိပ်  ကိုတော်လှန်၊ ဂျပန်ကိုတိုက်ထုတ်ခဲ့စဉ်က လက်ရှိ သူပုန်မျိုးစုံ မည်သူတို့ပါဝင်ခဲ့သနည်း။ ၁၉၄၈ လွတ် လပ်ရေးရပြီးမှ ခွဲတမ်းမညီမျှ၍ သူပုန်တို့စတင်ခဲ့ သည်။ အဝေးကြီး၊ အသေးစိတ်ပြန်မပြောချင်တာ ရှည်မှာစိုးလို့ပါ။ အနီးလေးဖြစ်တဲ့ န၀တ၊ နယက ခေတ်ကစလျှင် သောင်းကျန်းသူအဖွဲ့တချို့အချင်း ချင်းမတည့်ကြ၊ သတ်ဖြတ်နေကြ၍ အစိုးရစစ်တပ် နှင့်ညှိပြီး ငြိမ်းချမ်းရေး (အပစ်အခတ်ရပ်စဲရေးကို လက်နက်နှင့်လဲလှယ်ခဲ့ကြသည်)။ နေရန် နယ်မြေ ဒေသ၊ စီးပွားရေးလုပ်ငန်းများ၊ ပါမစ်များရယူလုပ်စား ခဲ့သည်။ ပါမစ်တစ်စောင်ကို (၃/၄) ကြိမ်လုပ်စားခဲ့ သည်။ Date  ပြင်ပြီးလုပ်စားကြသည်။ အစွန်အဖျား၊ ချောင်၊ ဂလောင်နေရာဒေသများတွင် ယနေ့ထိ ဘိန်းစိုက်ပျိုးထုတ်လုပ်ဆဲဖြစ်သည်။ ငြိမ်းချမ်းရေးမရ၊ မယူခင်က နိုင်ငံပိုင်၊ ပြည်သူပိုင်မြေပေါ်၊ မြေအောက် သယံဇာတများကို ခိုးတူး၊ ခိုးခုတ်၊ ခိုးထုတ်ခဲ့ကြ သည်။ ကျောက်၊ နွား၊ သစ်၊ ဘိန်း၊ မိန်းမ၊ လူမှောင် ခိုများကို လမ်းကြောင်းလုံခြုံရေး၊ ဂိတ်ကြေးဆက် ကြေး၊ လူတစ်ယောက် နွားတစ်ကောင်ဘယ်လောက်  နှုန်း ယခင်က ပြေစာနှင့် တောင်းယူနေကြသည်။ မှောင်ခိုသမားများက တစ်ဖက်နိုင်ငံကအပြန်တွင်ပင် ပြေစာဖျောက်ဖျက်ပစ်ကြသည်။ တပ်နှင့် တွေ့လျှင် ပုဒ်မ ၁၇(၁/၂/၃) နှင့် ငြိမည်စိုးသည်။ မှောင်ခိုစီး ပွားရေးသမားကြီးများနှင့် ပေါင်းလုပ်၊ ပေါင်းထုတ်၊ ပေါင်းစားပြီး ကောင်းစားနေကြ၍ ငွေအင်အား တောင့်တင်းသည်။ ငွေမည်းတွေများလွန်း၍ ဆာလာ အိတ်များနှင့် ဂိုဒေါင်ထဲထည့်ထားရသည်။ ကချင် သူပုန်တွေ ဈေးကြီးပေ့ (ီမသညန) ဒရုန်းများပင် အပျင်းပြေသုံးနိုင်နေကြသည်။ အရှေ့ဘက်အိမ်နီးချင်း ပေါက်ဖော်ကြီးကလည်း မယားပါသားများကို မွေး စားခဲ့ကြသည်။ ခိုင်းစားခဲ့ကြသည်။ တရုတ်ကျွန်များ ဖြစ်သလို (တရားအားထုတ်၊ တရုတ်အားထား) နယ်စပ်သူပုန်များဖြစ်ခဲ့၊ လုပ်ခဲ့ကြသည်။ ခုမှလာပြီး ငြိမ်းချမ်းရေး/ခွဲထွက်ရေးများပြောနေကြသည်။ လက်နက်ကိုင်များ လက်နက်မရှိလျှင် ငှက်တောင် ကျွတ်သလိုဖြစ်သည်။ လက်နက်ကိုင်စစ်စီးပွားရေး အရသာ၊ အာဏာ၊ အသပြာ၊ ဘီယာ၊ မိန်းမ၊ စည်း စိမ်ကို မက်မောစွာ ခံစားနေကြရပြီး စွန့်လွတ်ရန် ၀န်လေးမည်ထင်သည်။ စစ်အရေးအမြင်သုံးသပ်ချက် ဖြစ်ပါသည်။ ဘိန်းစိုက်ပျိုးထုတ်လုပ်ရောင်းချခြင်းမှာ လူသားမျိုးနွယ်တုံးစေပါသည်။

အပြည့်အစုံကို ကြာသပတေးနေ့ထွက် Hot News Journal တွင် ဆက်လက်ဖတ်ရှုပါရန်

နေမျိုးကျော်စိုး(ဥပဒေ)